Movementos étnicos en Ecuador: 30 anos de disputa polo recoñecemento político

Os sectores populares ecuatorianos mobilizáronse en moitas ocasións e con distintas estratexias para interpelar ao Estado, co fin de gañar espazos de poder e de representación dentro del. Nas súas loitas, estes sectores adoptaron múltiples identidades políticas. Así, foron campesiños, indios, indíxenas, negros, afro-ecuatorianos, traballadores, sindicalistas, ecoloxistas, montubios, mulleres, minorías, etc. Identidades que están relacionadas con formas culturais e momentos históricos específicos e que pretenderon transmitir un carácter de universalidade (Ribadeneira, 2001; Ribadeneira, 2013).